كنت قد نشرتُ هذه المحاورة بمنتدى ( الكساد ) بتاريخ 15 / 3 / 2013 بمناسبة حالات التسمم التي حدثت في شهر مارس من نفس العام ..
================== هاك قهيوتك يا حاج شنو ؟؟ شورك ناويني كيف ناويك يا حاج ؟ أمّاله شنو؟ ... بتلحّقني للجماعة يا فالح !! تو هذا كلام يا حاج ؟ انعم كلام ونص . غير وسع بالك يا حاج رانا جيران لينا عشرين عام . لا عشرين لا خمسين ترا برا خش لدكانك وخللي هالنهار يفوت على خير، ودورلك واحد ثاني تجرّب فيه المكياطة متاعك. عيب عليك يا حاج احنى كل يوم قهوتنا مع بعضنا . من اليوم لا مكياطة ولا شاهي أني حتى الكسكسي نبّي نبطّله غير شن جاب الكسكسي في الدّوة يا حاج الكسكسي ؟ تي حتى المكرونة معادش نبّوها. انت اليوم مش مزبوط يا حاج مش مزبوط ؟؟؟!! شن لقيتني نشرك في شلاتيتي ؟؟ وسع بالك يا حويج ... وين البنقلاديشي ? خللي يجيبلك شويشة اميه ، انت مش بعيد راقيلك السُكر ، تعالى يا بنقلا .. برا جيبلنا شيشتين اميّه.. هادر هاج .. كمسة دقيقة بس هدّي روحك يا حاج وما تحرقش دمّك ، آهو البنقلا جاب الميّة خد هاج أهسن ووتر في سوق شششششنننننو هذااااااا ... حتى انت يا بنقلا بتاخد فـيّا حصّة ، جايبلي أمّية النبببببببع ... درّق وجهك من قدّامي ، والله ماعاد هاويلي دكان ،أني بنصكر عمّه الدكان مرّة وحدة آآآآآآآه أني هذا وين فهمت يا حاج ، وصلاتك هالدّوة متع تسمم المكياطة والمـيّة ؟ إيه وصلتني وانت ما ابرد دمك .. ماكش معدل بكل . علاش بنعدل يا حاج ؟ اشاعات ودوّة فارغة . الدنيا مقلوبة فوقي لوطي ياراجل وقاعد تقول إشاعات ودوّة فارغة!! ياحاج ما فيش من يعرف المكياطة زيّك ، ليك سنين تشرب فيها لا خلاص ما عادش نعرفها قطّعتها .. حرّمتها ... كرهتها ... نسيتها ... طلقتها .... قصدي يا حاج لو كان في القهوة شيء من أول رشفة تعرفه أني ماعاد نعرف شيء ، حتى أنت منعرفكش .. من انت ؟ من انتم ؟ من أني ... وحّد ربك يا حاج .. لا حول ولا قوة إلا بالله .. إشاعة هكي ادير فيك قاعد يقول إشاعة .. ! السبيتارات معبيّة والموت بالجملة وقاعد يقول إشاعة !! ماتوا من البوخة المغشوشة بالميثانول اللي حتى ريحته تقتل ، مش من القهوة كييييييف ؟؟ هو اللي يقولوله مثالول هذا فيه ريحة؟ طبعاً فيه ريحة وريحة قوية تنشمّ من كيلوميتر.. انت غير اهدى واني نفهّمك يا حاج.. الله يخزيك يا شيطان .. آهو هديت .. هيا فهّمني الميثانول والايثانول يا حاج هذا نوع من الكحول ، وليه ريحة أقوى من البنزينة والسبيريتو. معقولة يا راجل ؟؟ يعني في القهوة ما يمشيش واللي بيشرب القهوة لازم تطلع عليه الريحة . مش هكي يا حاج ؟ انعم كلامك صح اني ليا خمسين عام نشرب في القهوة ، قطيرة زهر وإلا قطيرة عطر تغيّر من بنّة ونكهة القهوة. فما بالك بالميثانول ، يا حاج اللي ريحته تغمّ النفس.. آه ... توا اني بديت نفهم .. يعني البوخة باعتبارها سبيريتو في سبيريتو ممكن يغشوها بالماتالول ، لكن القهوة لا الميثانول يا حاج .. الميثانوووووول الميتالول وإلا الميثانول كله سم في سم . تعرف يا حويج .. هذا وين بديت تفهم يعني قبل أني ما نفهمش ؟ وإلا شني قصدك ؟ قصدي جوّك تعدّل ماهووو ياولدي الميثالول هذا قبل مانعرفاش .. وقلّة المعرفة زي قلة الخير .. المهم يا حويج اني مانشرب كان في امية النبع والمكياطة وما صار لي شيء . ترا أمّاله جيـبلنا ثلاث مكياطات على حسابي أهم واتيات من بكري لا هادو صقعوا ما عاد ينشربوا باهي لمن الثالثة يا حاج ؟ للبنقلاديشي يا دماغ .. جت فيه الكـشّـة بكري ، ان شاء الله غير يسامحنا .. بقلمي : رضا صميده
عدل سابقا من قبل رضا صميده في 05.01.14 19:07 عدل 1 مرات
انطاطيه بنت احرار عضو جديد
عدد المساهمات : 8 الرصيد الخاص : 37880 تاريخ التسجيل : 23/12/2013
مصمصتها كلمة كلمة حتى فنجال القهوة المكياته غسلته ( زي هذاك الراجل اللي أول أمس في المكتبه قلتله شن اتدير يا خوي هاذي يلوحوا فيها هههههههههههه ) كله باش نحصلش منك حرف أو كلمة طايحة والحمد لله وجدتها في آخر جملة ( وهي لفظ الجلالة - إن شاء غير يسامحنا ) ههههههههههههههه قالك حتى مريضة وسكت !!!!!!!!!!
مودتي يا حضرة المدير القاص
sooonia عضو نشط
عدد المساهمات : 34 الرصيد الخاص : 37795 تاريخ التسجيل : 04/01/2014
انتم اصدقاء عاد لكن يبان عليه يدور فيها ليك لين جاته عنده اني قريت الموضوع وعجبني وضحكت لين طحت وخصوصي قصة مشت تخطب لكن ما نبهتش على لفظة الجلالة صلحة يا رضيوة وستر الله باقي يبرة شن رايك يا شاعر بااااي تسلمو
رضا صميده ..................................
عدد المساهمات : 61 الرصيد الخاص : 38143 تاريخ التسجيل : 16/12/2013 الموقع : G.L
انتم اصدقاء عاد لكن يبان عليه يدور فيها ليك لين جاته عنده اني قريت الموضوع وعجبني وضحكت لين طحت وخصوصي قصة مشت تخطب لكن ما نبهتش على لفظة الجلالة صلحة يا رضيوة وستر الله باقي يبرة شن رايك يا شاعر بااااي تسلمو
يا باهية لعند توا مش اصدقاء تلاقينا صدفة في المكتبة وجاء واحد يعرف رضا وعرفني عليه وهكي عرفت أنه مدير المنتدى واخذت رقمه قلت بالك نحتاج له في المنتدى وأكيد المنتدى رح يعرفنا عليكم كلكم , بس يا رب ما ننصبها أنا والمدير في يوم من الأيام لأن خلوقي ضيقات خصوصا مع جنس آدم ههههههههههههه
بس حيلك حيلك كانك واقفة في البلكونة وطحتي نرتزوا فيك سونيا هههههههههههه بعدين النص هنا البوخة بوخة مش مشت تخطب .......... الباين حلم الجعان عيش زي ما بيقولوا هههههههههههههه
يبرة كبيرة يا غالية تقول تخدمي في البيطرة ههههههههههههه مرة ثانية شوفي وحيدة صغيرة زي متاع الاطفال وخلي ايدك حنينة وخفيفة زي ممرضات العيادة السمحات , مرة وحدة ضربتها لي لين قالت لي بالشفاء ما شعرت بها بكل ........... لكن بعدين عرفت أنها خدرتني قبل ضربها و معاها الفلاحة هههههههههه
مودتي
almehdi shaban عضو مميز
عدد المساهمات : 73 الرصيد الخاص : 37887 تاريخ التسجيل : 02/01/2014 العمر : 97
مردودة في الافراح يا سيد مهدي ، توا باهي هكي ؟ خليت العالم يتكلم علينا ، هكي يا سيدة سونيا !! شورك حتى انت تدوري فيها دوارة ههههههههههه وعلى قولتك باي
الله يزيد ويبارك ونفرحوا كلنا هنا وكانك لقيت عندي طايح ,حتى النخل يطيح في الرطب مش غير المهدي هههههههههههههههه بعدين هاذي حتى هي سونيا ........... لو حذفت آخر حرف من اسمها تصبح أقدم وأفضل ماركة عالمية في الصوت والصورة .......... ولو أني ما زلت ما شفتها ولا تعرفت عليها زين هههههههههه
رضا صميده ..................................
عدد المساهمات : 61 الرصيد الخاص : 38143 تاريخ التسجيل : 16/12/2013 الموقع : G.L
شوره ماشي معاك النت يا سيد مهدي ؟ واي ماكس علاش لا تقول طيار ، مش زينا جماعة الريفي ندفوا فيه دفان باش يولع وزيدك يا زايد صرف الفلوس دوبيو . ههههههههههههه راك تقول مشي صكني بعين اذا هرب عليك النت راهو من شركة محمد مش مني .
almehdi shaban عضو مميز
عدد المساهمات : 73 الرصيد الخاص : 37887 تاريخ التسجيل : 02/01/2014 العمر : 97
شوره ماشي معاك النت يا سيد مهدي ؟ واي ماكس علاش لا تقول طيار ، مش زينا جماعة الريفي ندفوا فيه دفان باش يولع وزيدك يا زايد صرف الفلوس دوبيو . ههههههههههههه راك تقول مشي صكني بعين اذا هرب عليك النت راهو من شركة محمد مش مني .
قال واي ماكس قال !!!!!!!!!
وراسك إلا ( واي فلّست ) زيني زيك أنا توا في الحوش مش في العاصمة , وما زال الواي ما فعلته من قبل الحجاج , مسكر عليه زي النفط الليبي , خلي يركح بالك يركبوا هوائيات جديدة وتوصلنا التغطية , هي بيني وبينك عريان مش غريان في تغطية النت كله .
ومكسد في المربوعة ومزكوم حتى الحاجة داداك قلت لها خذي الوسع ههههههههههههه
رضا صميده ..................................
عدد المساهمات : 61 الرصيد الخاص : 38143 تاريخ التسجيل : 16/12/2013 الموقع : G.L
من طرف احمد صالح 22.07.20 13:29
